孫頴儀 註冊中醫師

孫頴儀 註冊中醫師

星期二
15:30-20:00
星期三至五
10:30-20:00
星期六
10:00-17:30

一畢業我就做臨床,係NGO診所浸左好多年先走。我覺得我好鐘意睇症,我唔係鐘意中醫,而係我好鐘意同人交流、傾計。而中醫俾左個橋樑我去同大家建立關係。好多病人見我見得耐都變左朋友,可能年紀差唔多。

呢一間診所既方向都係我鐘意既野,大家玩瑜珈、上堂學reiki,頌缽等等都係為左心身靈上既滿足,可能香港壓力太大了。所以呢度都想係心身靈治療加入中醫呢一環,令診斷更精準,由內而外去解決身體所有問題,希望可以事半功倍。

睇婦科睇耐左,我係好感受到香港女性壓力有幾大。一星期總有幾個病人會係我診室喊,又要番工努力為事業搏殺,又想為自己家庭出一分力傳宗接代、有一部分想生多個為自己小朋友加個玩伴,日日計時間預排卵,其實身兼職都幾大壓力,所以好希望盡我能力可以幫到佢地,病我未必個個100%睇好哂,但希望佢地係我診症時入面聽我說話內心都可以增加一份溫暖,多一份希望。